EUSKADIKO KD-JB-JN TXAPELKETA E.P. & EUSKADIKO KROS MOTZA & GIPUZKOAKO ESKOLARTEKO KROSA

Asteburu honetan atletismoko hainbat txapelketa izan ditugu. Batetik, larunbatean, Donostiako Anoetako belodromoan, kadete, jubenil eta junior mailakoen pista estaliko Euskadiko txapelketa ospatu zen. Azpimarratzekoa da Libe Agirreren pisu jaurtiketako garaipena, kadete mailan Euskadiko txapelduna izatea lortu baitzuen 9,19 metroko jaurtiketarekin. Nerea Bilbatua eta Andoni Aizpuruak ere hartu zuten parte, nahiz eta beraien emaitzekin oso gustora ez geratu.

Bestalde, igandean, bi kross izan genituen. Bata, Abadiñon ospatutako Euskadiko kross motza izan zen, eta bertan Josune Zabalak bosgarren postua lortu zuen. Bestea, Legazpin ospatutako Gipuzkoako eskolarteko krosa izan zen, non Sara Mancisidor bosgarren geratu zen, eta Ekaitz Tejado zazpigarren. Bi gaztetxo hauek Gipuzkoako selekzioarekin joango dira Euskadiko txapelketara.